HATAW! D'yaryo ng Bayan hatawtabloid.com
BINAWIAN ng buhay ang tatlo katao, hinihinalang mga drug user, makaraan pagbabarilin ng hindi nakilalang mga suspek sa Taguig City, kahapon ng mada-ling-araw.
Sa imbestigasyon ng pulisya, pinagbabaril ang mga biktima sa rooftop ng kanilang bahay sa Osmeña St., Brgy. South Signal, Taguig City.
Kinilala ang mga biktimang sina Edison Maburang, construction worker; isang alyas Rico John, isang seaman, at isang babaeng hindi pa nakikilala.
Ayon sa kapatid ni Maburang na si Eufraim, dalawang lalaki ang umakyat sa rooftop ng kanilang bahay saka pinagbabaril ang mga biktima.
Napag-alaman, dalawang beses nang pinasusuko ng pulisya si Maburang sa Oplan Tokhang ngunit hindi sumisipot.
Habang aminado si Eufraim na gumagamit at minsan ay nagtutulak ng droga ang kanyang kapatid. (JAJA GARCIA)
