HATAW! D'yaryo ng Bayan hatawtabloid.com
KOMPISKADO ang tinatayang P1.9 milyon halaga ng shabu sa naarestong hinihinalang bigtime drug pusher sa isinagawang drug buy-bust operation sa Caloocan City kamakalawa ng hapon.
Ang suspek na iniharap sa mga mamamahayag nina Caloocan City Mayor Oscar Malapitan at Northern Police District (NPD) director, Chief Supt. Roberto Fajardo ay kinilalang si Ian Oquendo alyas Monay, 24, ng Pama Sawata, C-3 Road, Brgy. 28 ng nasabing lunsod.
Nakuha mula sa suspek ang 1600 gramo ng shabu na aabot sa P1,920,000 ang halaga, ayon sa suspek ay kaya niyang ibenta lahat sa loob lamang ng tatlong linggo.
Ayon kay Caloocan police, Sr. Supt. Johnson Almazan, naaresto ang suspek sa isinagawang drug buy-bust operation ng mga tauhan ng Station Anti-Illegal Drugs Special Operation Task Group (SAID-SOTG) sa pangunguna ni Insp. Cecilio Tomas Jr., sa labas ng bahay ni Oquendo.
(ROMMEL SALES)
