HATAW! D'yaryo ng Bayan hatawtabloid.com
PINAGBABARIL sa harap ng kanyang kinakasama ang isang mekaniko ng tatlong hindi nakilalang lalaki sa loob ng kanilang bahay sa Pasay City nitong Martes ng gabi.
Patay agad ang biktimang si Antonio Perez, 33, ng Canoy St., Brgy. 132, Zone 13, ng lungsod.
Sa pagsisiyasat ni SPO1 Giovanni Arcinue, dakong 10:30 pm nang mangyari ang insidente.
Ayon sa pahayag ng kinakasama ng biktima na si Ma. Luz Aguilar, nasa loob sila ng bahay nang biglang pumasok ang mga suspek at pinagbabaril si Perez.
Ayon kay Aguilar, may mga reklamo sa kanilang barangay laban sa kanyang mister dahil sa akusasyong pineperahan ng biktima ang mga may-ari ng sasakyan na ipinagagawa sa kanya.
Inakusahan din ang biktima nang pagkuha sa spare parts ng mga sasakyang ipinakukumpuni sa kanya.
(JAJA GARCIA)
