HATAW! D'yaryo ng Bayan hatawtabloid.com
PATAY ang isang lending supervisor makaraan pagsasaksakin ng 14-anyos bayaw nang pagalitan at batukan ng biktima ang binatilyo dahil naingayan sa Valenzuela City kahapon ng madaling araw.
Hindi na umabot nang buhay sa Valenzuela Medical Center ang biktimang si Marlon Landicho, 30, residente ng 902 A. De Castro St., Brgy. Malinta ng nasabing bayan.
Habang pinaghahanap ng mga pulis ang suspek na itinago sa pangalang Buchoy, 14, mabilis na tumakas makaraan ang insidente.
Sa imbestigasyon ni SPO4 Ronald Bautista, dakong 10:30 pm, nagkukuwentuhan ang binatilyo at ang kanyang mga kaibigan sa A. De Castro St., nang lumapit si Landicho kasama ang ilang katao at pinagsabihan ang suspek na huwag maingay sabay batok sa ulo ng binatilyo.
Bunsod nito, bumunot ng icepick ang suspek at inundayan ng saksak ang biktima bago mabilis na tumakas.
(ROMMEL SALES)
