HATAW! D'yaryo ng Bayan hatawtabloid.com
TINUKOY ni Pangulong Rodrigo Duterte ang pangalan ng tatlong politiko na high-profile personalities sa illegal drugs industry sa bansa.
Sa kanyang talumpati kahapon sa Palasyo, tinukoy niya sina dating Iligan Mayor Lawrence Cruz, Mayor Willie Lim ng Luagit, Misamis Oriental at dating Iligan Rep. Vicente Belmonte.
Ang tatlong politiko ay kasama sa mahigit 4,000 taong-gobyerno na nasa narco-list ng Pangulo.
Si Sen. Leila de Lima aniya ang pinakamataas na opisyal ng pamahalaan sa listahan.
“She was glorified with an award,” ayon sa Pangulo kaugnay sa pagtanggap ni De Lima ng parangal mula sa Amerika kamakailan.
Iginiit muli ng Pangulo na uubusin niya ang drug lords hanggang sa huling araw ng kanyang termino.
ni ROSE NOVENARIO
