HATAW! D'yaryo ng Bayan hatawtabloid.com
NALOKA si Congresswoman Vilma Santos-Recto sa naging pahayag ng kanyang bunsong si Christian Santos-Recto, kapatid ni Luis Manzano sa ina, dahil kung hindi pa raw mabibigyan ng apo ng kanyang Kuya ang kanilang ina ay siya na ang magbibigay.
Nangyari ito sa tsikahan ng ilang press kay Star For All Seasons na talagang sinadyang puntahan sa Lipa for the early Christmas gift, gift daw oh! Sa nasabing tete-atee ay nagpahayag ang Congresswoman na gustong-gusto nang magka-apo pero wala raw maaasahan kay Luis dahil wala yatang itong planong pakasalan si Jessy Mendiola in the near future.
Bigla raw sumabat si Christian na nasa malapit na upuan na siya na lang daw ang magbibigay ng apo dahil ready na siyang pakasalan ang kasalukuyang girlfriend. Nagulat siyempre si ate Vi at pinagsabihan ang bunso na huwag iyong gagawin dahil ayaw pa niyang mag-asawa ito.
Hala ka Luis, uunahan ka pa ng kapatid mong bunso ha ha ha.
Samantala, kung walang pag-amin sina Luis at Jessy tungkol sa kanilang relasyon ay kitang-kita naman sa kanilang mga uploaded pictures sa Instagram na sila na.
Noong November 24 ay pumunta sa Phuket, Thailand ang dalawa at ang unang nag-upload ng kanilang picture sa social media ay si Jessy na naka-swimsuit at sumunod naman si Luis habang nagte-train para sa kanilang combat sport na Muay Thai. Mayroon pa silang pictures na naka-post na naka-swimsuit sila sa Kata Beach, Phuket.
STARNEWS UPLOAD – Alex Datu
