HATAW! D'yaryo ng Bayan hatawtabloid.com
PITONG hinihinalang drug personalities ang napatay nang lumaban sa buy-bust operation ng Quezon City Police District (QCPD) sa magkahiwalay na lugar sa nasabing lungsod.
Sa ulat ni QCPD Director, Chief Supt. Guillermo Lorenzo T. Eleazar, unang napatay sina Constantino de Juan, 37, ng Brgy. Payatas B, Quezon City, at ang kanyang dalawang kasama na sina alyas Buhay at alyas Teteng sa nabanggit na lugar.
Samantala, bandang 7:32 pm kamakalawa, napatay ng mga tauhan ng Novaliches Police Station 4 si Alvin David, 25, ng 11 Ivory Riverside, Odelco Subd. Brgy. San Bartolome.
Dakong 10:35 pm, napatay ng mga tauhan ng PS6 sina Jerry Baldosa, at Ronaldo Morales, kapwa residente ng Sitio Veterans, Brgy. Bagong Silangan.
Habang dakong 2:00 am kahapon, napatay ng Fairview Police Station 5 si Jessie Malamug, ng Verbena St., Brgy. Greater Fairview.
(ALMAR DANGUILAN)
