HATAW! D'yaryo ng Bayan hatawtabloid.com
INIHAYAG ni House Speaker Pantaleon Alvarez, kailangan nilang maging mas maingat sa posibilidad na ipaaresto si Sen. Leila de Lima.
Bukod sa iniiwasan nilang humantong ang sitwasyon sa banggaan ng Senado at Kamara, nangangamba si Alvarez na baka magamit lamang ni De Lima ang pagpapaaresto sa kanya upang makahatak ng simpatya sa publiko.
Gayonman, umaasa pa rin siya na sa susunod na taon ay tuluyan nang maaaresto ang senadora.
Iginiit ng lider ng Kamara, dapat nang masundan nang paglilitis kay De Lima ang mga ikinasang imbestigasyon ng Kamara hinggil sa pagkakasangkot sa pag-laganap ng ilegal na droga sa New Bilibid Prison, pati na rin ang mga reklamo kinakaharap ng senadora.
