HATAW! D'yaryo ng Bayan hatawtabloid.com
ILOILO CITY – Kombinsido ang pamilya nang inaakusahang drug lord sa Iloilo na si Rasty Jablo, walang foul play sa pagpapatiwakal ng suspek sa loob ng selda ng San Isidro Police Station sa Lungsod ng General Santos kahapon ng umaga.
Ayon sa kanyang hipag na si Mercy Susbilla, nagpahiwatig si Rusty nang pagpapakamatay nang dinalaw ng kanyang misis na si Kapitan Noemi Hablo ng Brgy. Desamparados Jaro, Iloilo City, kasama ang apat na anak, manugang at apo noong Linggo.
Ngunit nang magpaalam na sila para umuwi sa Iloilo City, naging emosyonal si Rusty at nagpahayag na isama na lamang ang kanyang bangkay pauwi.
Hindi sineryoso ng pamilya ang kanyang pahayag dahil sa problema sa pag-iisip.
Nagulat sila nang mabalitaan na nagbigti ang suspek sa loob ng selda gamit ang kumot na dala ng kanyang asawa.
Napag-alaman, si Jablo ay itinuturong sub-group leader ng Previndido Drug Group sa Iloilo.
