HATAW! D'yaryo ng Bayan hatawtabloid.com
ARESTADO ang tatlong lalaking hinihinalang nagbebenta ng illegal party drugs sa buy-bust operation sa isang casino sa Makati City, nitong Lunes ng gabi.
Ayon kay Philippine Drug Enforcement Agency (PDEA) spokesperson Derrick Carreon, ikinasa nila ang operasyon makaraan manmanan ang mga suspek na sina Jeff Ching, Allan Genesis Castillo, at Richard Tan.
Nakuha mula sa tatlo ang 103 piraso ng ecstasy, 10 “Fly High” capsules at isang “Red Amore.”
Iginiit ng PDEA, ang pagkakaaresto sa mga suspek ay malaking kawalan sa multi-milyon pisong drug trade sa loob ng mga casino, na may mga parokyanong celebrities at mga miyembro ng mayayamang angkan.
