HATAW! D'yaryo ng Bayan hatawtabloid.com
DALAWANG lalaking hinihinalang magnanakaw at tulak ng ilegal na droga ang patay makaraan pagbabarilin ng hindi nakilalang mga suspek sa mga lungsod ng Malabon at Navotas kahapon ng madaling-araw.
Base sa pahayag ni Neneng Mendoza, 43, volunteer tanod, kay PO2 Banjamin Sy, dakong 1:30 am kahapon, natagpuan ang duguang katawan ni alyas Nonoy sa Kaingin 1, Gov. Pascual Avenue, Brgy. Tinajeros, Malabon City. Natagpuan sa tabi ng biktima ang katulang may nakasaad na “Magnanakaw ako, ‘wag niyo ko tularan.”
Sa Navotas City, dakong 3:53 am nang matagpuan ni Barangay Executive Officer Ferdinand Sebastian ang wala nang buhay na katawan ng isang hindi nakilalang lalaki. Narekober sa lugar ang dalawang sachet ng shabu at tatlong basyo ng bala ng hindi pa nabatid na kalibre ng baril.
( ROMMEL SALES )
