HATAW! D'yaryo ng Bayan hatawtabloid.com
BUMULAGTANG walang buhay ang isang 43-anyos tricycle driver makaraan pagbabarilin ng riding-in-tandem suspects na pinaniniwalalang mga miyembro ng vigilante kamakalawa ng gabi sa Caloocan City.
Kinilala ang biktimang si Bernardino Andres, alyas Ulo, ng Block 3, Lot 31, Phase 3, Topaz St., Natividad Village, Gate 3, Deparo, ng lungsod.
Ayon sa ulat ng pulisya, dakong 6:20 pm habang kausap ng biktima ang isang kaibigan sa Cabanatuan St., Brgy. 168 nang dumating ang dalawang suspek na lulan ng motorsiklo at siya ay pinagbabaril.
Ayon kay Senior Supt. Johnson Almazan, hepe ng Caloocan City Police, maraming sumbong tungkol sa pagiging sangkot ni Andres sa ilegal na gawain sa lugar.
( ROMMEL SALES )
