Aljur, ‘di nawala ang pagmamahal kay Kylie

KINOMPIRMA ni Aljur Abrenica na nagkabalikan na nga sila ni Kylie Padilla pagkatapos ng dalawang taon at apat na buwang hiwalayan.

Inamin ng aktor na kahit matagal silang nagkahiwalay ni Kylie ay naroon pa rin at hindi nawala ang pagmamahal niya rito. Katunayan, nanatili siyang single at hindi nali-link kung kanino man.

Sa mga panahong hiwalay sila, nakadalawang syota si Kylie at si Aljur pala ang naging shoulder to cry own ng dalaga. Dahil sa kanilang madalas na pagkikita at pag-uusap, hindi nila namalayan na muli silang umibig sa isa’t isa.

Aniya, “Just recently lang, naramdaman ko sa sarili ko bilang lalaki na I love this girl. Kaya noong September 16, nagkabalikan na kami. Walang naganap na liwagan dahil never naman siyang nawala, naroon pa rin siya sa puso ko.  Nagkikita kami, nag-uusap at na-realize namin na love is still there.  Now, it’s the time na parang officially nagkabalikan na kami at ngayon nagkasama na kami uli, ngayon namin na-realize how much we missed each other.”

( Alex Datu )