HATAW! D'yaryo ng Bayan hatawtabloid.com
AGAD sumabak sa trabaho si Filipino boxing champion Manny Pacquiao.
Sa kanyang pagdating nitong umaga sa bansa, sinabi niyang papasok agad siya sa kanyang trabaho sa Senado.
Ipinaabot ni Pacquiao ang pasasalamat kay Pangulong Rodrigo Duterte at sa mamamayang Filipino dahil sa suportang pinakita sa laban niya.
Kanya ring ibinida na siya ay natutuwa na maraming Filipino ang nanood sa laban niya sa dating WBO welterweight champion na si Jessie Vargas sa Thomas and Mack Center sa Las Vegas nitong nakalipas na Linggo.
Kasabay nito, pinasalamatan ni Pacman si retired boxing champion Floyd Mayweather Jr., dahil pinaunlakan ang kanyang imbitasyon na manood sa kanyang laban.
Bukod sa Team Pacquiao, kasamang dumating sa bansa ng senador si PNP chief Dir. Gen. Ronald dela Rosa, dating Ilocos Sur Gov. Chavit Singson at iba pa.
