HATAW! D'yaryo ng Bayan hatawtabloid.com
BINAWIAN ng buhay ang isang 60-anyos lola habang dalawa ang sugatan sa sunog sa isang residential area sa Quezon City kahapon ng madaling-araw.
Kinilala ni Fire Senior Supt. Jesus Fernandez, Fire Marshall ng Quezon City, ang namatay na si Emerita Duyan, residente sa 96 General Luis Avenue, Tandang Sora, Quezon City.
Habang sugatan sina Helen Goloran, 70, at Patrick Yanguas, 24-anyos.
Base sa ulat, dakong 3:54 am nang magsimula ang sunog sa unang palapag ng bahay ni Duyan at kumalat ang apoy sa 18 pang kabahayan.
Hindi nakalabas ang matanda dahil sa mabilis na pagkalat ng apoy sa kanyang bahay na yari sa light materials.
( ALMAR DANGUILAN )
