HATAW! D'yaryo ng Bayan hatawtabloid.com
PATAY ang isang hinihinalang drug pusher habang tatlo ang naaresto sa isinagawang “Oplan Galugad” ng Quezon City Police District (QCPD) Novaliches Police Station 4 sa Brgy. Sta. Monica, Novaliches, Que-zon City nitong Sabado ng gabi.
Sa ulat kay Senior Supt. Guillermo Lorenzo T. Eleazar, ang hindi pa nakikilalang napatay na lalaking suspek ay nasa edad 30 hanggang 35-anyos.
Habang ang naaresto sina Jhan Dave Ramirez, 23; Adrian Mark Musa, 18, at Noly Requez, 42, pawang mga residente ng Geronimo Compound, Brgy. Sta. Monica, Novaliches, Quezon City.
Dakong 8:30 pm nitong Sabado nang isagawa ang Oplan Galugad sa Geronimo compound base sa impormasyong talamak ang tulakan at paggamit ng shabu sa lugar.
( ALMAR DANGUILAN )
