HATAW! D'yaryo ng Bayan hatawtabloid.com
ISINUGOD si dating Senador Ramon “Bong” Revilla Jr. sa Saint Luke Medical Center sa Bonifacio Global City sa Taguig bago magtang-hali kahapon.
Nakaranas nang matinding migraine attack at tumaas nang bahagya ang kanyang pres-yon kung kaya’t isinugod sa ospital.
Unang dinala sa PNP General Hospital ang dating senador na binigyan ng paunang lunas, ngunit sa tindi ng migraine na nararanasan ay humiling ang pamil-ya na ilipat na lamang siya sa St. Luke Medical Center.
Mismong ang asawa niyang si Lani Mercado ang humiling na ilipat dahil sa takot na mauwi sa “aneurism” ang kalagayan ng dating senador.
Si Revilla ay kasalukuyang nakakulong sa PNP Custodial Center sa Kampo Crame dahil sa plunder case na kinakaharap bunsod ng pork barrel fund scam.
Kasama ni Revilla na nakulong sa Custodial Center ay si Sen. Jinggoy Estrada.
Hindi pa nagbigay ng pahayag ang pamunuan ng pambansang pulisya kaugnay sa insidente.
