5 todas sa death squad sa Caloocan

LIMA katao na hinihinalang sangkot sa droga, ang namatay makaraan atakehin ng pinaniniwalaang mga miyembro ng Caloocan Death Squad (CDS) kahapon ng madaling-araw sa nabanggit na lungsod.

Kinilala ni Senior Supt. Johnson Almazan, hepe ng Caloocan City Police, ang dalawa sa mga napatay na sina Jay-M Soriano, 17, at Jefferson Beltran, 21, pinagbabaril ng mga suspek sa Berong St. dakong 4:00 am.

Habang dakong 12:40 a.m., si Joseph Tingzon, 42, ay pinasok sa kanyang bahay sa Phase 8A, Package 11, Blk. 189, Lot 14, Bagong Silang ng hindi nakilalang mga suspek at pinagbabaril.

Samantala, dakong 1:00 am, pinasok ng hindi nakilalang mga suspek ang isang bahay sa Phase 2, Package 2, Block 40, Lot 1, Brgy. 176, Bagong Silang at pinagbabaril si Carlos Tan, 54, at kasama niyang si alyas Mark, 25-30 anyos.

( ROMMEL SALES )