HATAW! D'yaryo ng Bayan hatawtabloid.com
DALAWA ang patay at isa ang sugatan habang tatlo ang arestado, kabilang ang isang menor-de-edad, sa buy-bust operation ng pulisya sa Caloocan City kamakalawa ng gabi.
Kinilala ni Senior Supt. Johnson Almazan, hepe ng Caloocan Police, ang mga napatay na sina Manuel Diaz, 35; at Rowel Operio, 29, habang ginagamot sa Caloocan City Medical Center si Joseph Magayones.
Sa imbestigasyon nina PO3 Romel Bautista at PO2 Adrian Paguian, dakong 4:30 pm nang ikasa ng mga awtoridad ang operasyon sa isang kubo sa Salay-Salay at Estimada streets.
Ngunit nakatunog ang mga suspek na pulis ang kanilang katransaksiyon kaya nagpaputok ng baril.
Gumanti ng putok ang mga pulis na nagresulta sa pagkamatay ng dalawang suspek habang nasugatan ang isa pa.
Samantala, nadakip ang iba pang mga suspek na sina Jimbo Amami, 29; Jong Donaire, 28, at isang 15-anyos binatilyo.
( ROMMEL SALES )
