HATAW! D'yaryo ng Bayan hatawtabloid.com
LA UNION – Hindi na umabot nang buhay sa pagamutan ang tatlo katao nang masagasaan ng jeep makaraan magsalpukan ang dalawang motorsiklo kamakalawa sa bayan ng Bacnota, La Union.
Kinilala ang mga biktimang sina Jed Almodovar, 19, lulan ng isang motorsiklo; Leonardo Mendoza, nakasakay sa isa pang motorsiklo, at ang angkas niyang si Jerbel Diaz, 17-anyos.
Base sa imbestigasyon ng pulisya, pasado 10:00 pm, sa Baroro bridge nang magbanggaan ang dalawang motorsiklo na magkasalungat ang direksiyon na nagresulta sa pagtilapon ng tatlong biktima.
Sa puntong iyon, dumating ang jeep na minaneho ni Ariel Ferdinand Dy kaya nagulungan ang mga biktima na humantong sa kanilang kamatayan.
Patuloy ang imbestigasyon ng mga awtoridad sa insidente.
