SINASABING bunsod nang hindi makayanang sakit ng ulo, nagpasya ang isang 17-anyos binatilyo na humithit ng marijuana at pagkaraan ay nagsaksak sa kanyang sarili na nagresulta sa kanyang pagkamatay dakong 9:30 pm kamakalawa sa Taguig City.
Nalagutan ng hininga bago idating sa Rizal Medical Center ang biktimang si Reden Presas, ng M. Lucas St., Purok 3, Brgy. Napindan ng lungsod.
Ayon sa ama ni Reden na si Rodolfo Presas, habang naghahapunan sila, sinabi ng anak na tumikim siya ng marijuana dahil masakit ang kanyang ulo.
Pagkaraan ay sinabi aniya ng biktima ang katagang “Magsasaksak na lang ako,” at pumunta sa kanyang silid.
Makaraan ang ilang sandali, natagpuan nila ang biktimang may saksak sa dibdib kaya agad nilang isinugod sa pagamutan ngunit idineklarang dead on arrival ng mga doktor.
( JAJA GARCIA )
