HATAW! D'yaryo ng Bayan hatawtabloid.com
GAYA ng kasabihan na huwag mong gawin sa kapwa ang ayaw mong gawin sa iyo, tiniyak ni Pangulong Rodrigo Duterte na mararanasan ni Sen. Leila de Lima ang ginawa niyang pagpapakulong kay dating Pangulong Gloria Macapagal- Arroyo.
Sa press briefing sa Beijing, China, sinabi ni Pangulong Duterte na walang lusot si De Lima sa matitibay na ebidensiya at mismong mga opisyal ng National Bureau of Investigation (NBI) ang nagpatunay sa pagkadawit ng senadora sa illegal drugs trade sa New Bilibid Prisons (NBP).
“You think those officials who testified against her are lying? These so many NBI agents and all? (cut to) if that, those connections are true, she will rot in jail. She will rot in jail. It’s no bail,” ayon sa Pangulo.
Hindi lang aniya hinikayat ni De Lima ang illegal drugs trade sa NBP kundi, ang senadora ang mismong principal dahil sa direktang partisipasyon.
“The moment the indictments are charged in court, there is no bail. And she could be what Gloria Arroyo suffered. So, iyon, comeuppance, “ aniya.
Ginagamit aniya ni De Lima ang isyu nang pagiging babae upang mailihis ang atensiyon ng publiko sa partisipasyon sa illegal drugs trade at pagiging narco-politician.
“She is talking as if she is raising the view of womanhood to take away the heat more than just being afraid of being put into disrepute is the fact, if those connections are true, she will rot in jail. It’s no bail,” pahayag pa ng Pangulo. ( ROSE NOVENARIO )
