HATAW! D'yaryo ng Bayan hatawtabloid.com
APAT hinihinalang tulak ng droga ang napatay habang dalawa ang naaresto ng mga pulis sa buy-bust operation, at isang sangkot sa droga ang napatay ng hinihinalang mga miyembro ng vigilante sa magkakahiwalay na insidente sa mga lungsod ng Navotas at Caloocan.
Sa Navotas City, kinilala ang napatay sa buy-bust operation na sina Norberto Maderal, 42, at George Avance Jr.
Sa Caloocan City, napatay ng mga pulis sa anti-drug operation ang mga suspek na sina Michael Mercado, 39, at Florjohn Cruz, 34-anyos. Habang naaresto sa nasabing operasyon sina Susan Batac, 40, at Fitzgerald Tan, 33-anyos.
Samantala, patay ang isang 51-anyos lalaking hinihinalang sangkot sa droga na si Crisostomo Diaz makaraan pagbabarilin ng tatlong lalaking nakasuot ng bonnet na lulan ng motorsiklo kahapon ng madaling araw sa loob ng kanilang bahay sa Tambakol St., Brgy. 28, Caloocan City.
( ROMMEL SALES )
