PATAY ang dalawang lalaking hinihinalang sangkot sa droga habang kritikal ang kalagayan ng isa pa makaraan pagbabarilin ng hindi nakilalang mga suspek sa mga lungsod ng Las Piñas at Makati.
Sa pagsisiyasat ng pulisya, pinagbabaril hanggang sa mapatay ang biktimang hindi pa nakikilala sa Vatican St., BFRV, Talon Dos, Las Piñas City dakong 2:40 am.
Samantala, si Arnold Omandac, 33, isang construction worker, ng Masville Brgy. BF Homes, ay nasa kritikal na kondisyon sa Las Piñas District Hospital makaraan pagbabarilin ng hindi nakilalang mga suspek sa nabanggit na lungsod dakong 10:45 pm.
Sa lungsod ng Makati, inaalam pa ng Makati City Police ang pagkakilanlan ng biktimang namatay makaraan pagbabarilin ng hindi nakilalang mga suspek dakong 1:45 am sa Gov. Noble St., at Anastacio St., Brgy. Guadalupe Nuevo ng naturang lungsod.
( JAJA GARCIA )
