Thursday , May 23 2024

1 patay, 2 sugatan  
SENGLOT NA KELOTNANAKSAK NANG WALANG HABAS

050924 Hataw Frontpage

ni ROMMEL SALES

NAARESTO na ng pulisya ang lalaking walang habas na nanaksak sa harap ng isang resto bar na ikinamatay ng isa at malubhang ikinasugat ng dalawa pa sa Navotas City, kahapon ng umaga.

Kinilala ni Navotas City police chief P/Col. Mario Cortes ang suspek na si alyas Edsel, nasa hustong gulang, residente sa Blk 33, Lot 9, Area 2 Brgy. NBBS Dagat-Dagatan na nadakip sa ginawang follow-up operation nina P/Capt. Archie Arceo, commander ng Police Sub-Station 3, malapit sa kanyang tirahan.

Nabatid sa imbestigasyon, nag-iinuman ang mga biktimang sina Jann Benjamin Gunabe III, 28 anyos, Darwin Benosa, 21 anyos, at Lean Oswald Pesigan, 21 anyos, sa Hangout Resto Bar sa Brgy. NBBN nang magsimulang magsalita ng kabastusan ang suspek habang umiinom sa kabilang mesa.

Nang pauwi na ang mga biktima dakong 6:45 am, hindi sinasadyang nasagi ni Gunabe ang suspek na pasuray-suray nang lumalabas sa bar dahil sa kalasingan dahilan upang magkaroon sila ng pagtatalo.

Umawat sina Benosa at Pesigan ngunit biglang bumunot ng patalim ang suspek at walang habas na pinagsasaksak ang tatlo bago mabilis na tumakas patungo sa hindi nabatid na lugar.

Isinugod ang mga biktima sa Tondo Medical Center pero idineklarang patay na si Gunabe habang sugatan naman at ginagamot pa ang dalawa niyang kasama.

Kaagad iniutos ni Col. Cortes ang pagtugis sa suspek na patakas na sana nang maaresto nina Capt. Arceo.

Sasampahan ng kasong pagpatay at dalawang bilang na bigong pagpatay ang suspek sa Navotas City Prosecutor’s Office.

About Rommel Sales

Check Also

Cyberlibel vs health advocate doctor inihain ng Bell-Kenz Pharma sa NBI

Cyberlibel vs health advocate doctor inihain ng Bell-Kenz Pharma sa NBI

SINAMPAHAN ng kasong cyberlibel si public health advocate doctor Anthony Leachon kaugnay ng anila’y akusasyon …

Chiz Escudero Migz Zubirri

Escudero aminadong pasimuno ng kudeta laban kay Migz Zubiri

INAMIN ng bagong halal na Senate President na si Senador Francis Joseph “Chiz” Escudero na …

DOST SETUP MSME marks significant invention in the Abaca Industry

DOST SETUP MSME marks significant invention in the Abaca Industry

TO UPGRADE the technological capabilities and improve the productivity and efficiency of MSMEs in the …

Citywide Clearing Ops inilarga ng Pasay LGU sa ilang barangay para paghahanda vs La Niña

Citywide Clearing Ops inilarga ng Pasay LGU sa ilang barangay para paghahanda vs La Niña

NAGSAGAWA ng Citywide Clearing Operation ang pamahalaang lungsod ng Pasay partikular sa Barangay 55, 53, …

Drug den operator, PDEA regional target, 4 pa, arestado sa Subic

Drug den operator, PDEA regional target, 4 pa, arestado sa Subic

ANIM na katao na pinaghihinalaang sangkot sa illegal na droga kabilang ang isang drug den …