Sunshine, nakikipag-date na nga ba?

MALAKAS ang bulong-bulungan ngayon sa social media tungkol sa “nakaka-date” umano ni Sunshine Cruz lately. Si Sunshine mismo, wala namang sinasabi tungkol sa mga bagay na iyon. May nakakuha lang ng picture na inaalalayan si Sunshine sa pagtawid sa kalye, iba na ang inisip ng ibang tao.

Kasi naman, alam nilang apat na taon na rin namang hiwalay si Sunshine. Nag-petition na siya ng annulment ng kanilang kasal. Sa gandang iyon ni Sunshine ngayon, aba eh maraming manliligaw diyan kahit na sabihin mong may tatlo na siyang anak.

Pero si Sunshine naman firm din eh. Sinabi niyang hindi muna siya tatanggap ng mga manliligaw habang wala pa ang kanyang hinihinging annulment. Isa pa, may mga anak na siya at wala nang dahilan para siya ay magmadaling makapag-asawang muli. Palagay namin wala pa talaga iyan.
HATAWAN – Ed de Leon