Bilibid prison guard itinumba sa droga

HINIHINALANG droga ang motibo sa pagpatay ng riding-in-tandem suspects sa isang dating prison guard ng New Bilibid Prison (NBP), sa loob ng kanyang sasakyan sa Muntinlupa City kamakalawa.

Kinilala ni Muntinlupa City Police chief, Senior Supt. Nicolas Salvador ang biktimang si Simplicio Flores, alyas Pitong, nasa hustong gulang.

Ayon sa ulat, dakong 7:00 am nitong Sabado, minamaneho ng biktima ang kanyang Ford Focus sa East Service Road, Alabang nang biglang sumulpot ang isang motorsiklong walang plaka at siya ay pinagbabaril ng mga suspek.

Si Flores ay nagretiro bilang prisong guard ng NBP, isang buwan bago umupo sa puwesto si Pangulong Rodrigo Duterte. (JAJA GARCIA)