Pusher, adik utas sa tandem

PATAY ang hinihinalang tulak at gumagamit ng droga makaraan pagbabarilin ng riding-in-tandem suspects sa magkahiwalay na insidente sa Pateros at Pasay City kahapon ng madaling-araw.

Sa Brgy. Sto. Rosario, Pateros, pinagbabaril ng mga suspek na maskarado si Jaime Edilberto, 53-anyos, sinasabing nasa drug watchlist ng pulisya.

Habang ang hinihinalang drug addict na si Rodolfo Ramis, Urban Express barker, ay pinaputukan ng mga suspek na lulan ng motorsiklo sa Buendia LRT Station sa Pasay City.

Samantala, natagpuang walang buhay ang isang hindi nakilalang lalaki sa isang bakanteng lote ng Metrocor Village kamakalawa ng gabi sa lungsod ng Las Piñas.

( JAJA GARCIA )