7 katao patay sa droga sa Caloocan

PITO katao na pinaniniwalaang sangkot sa ilegal na droga ang namatay sa magkakahiwalay na insidente ng pamamaril ng pinaniniwalaang mga vigilante at sa police operations sa Caloocan City nitong Miyerkoles ng gabi at Huwebes ng madaling-araw.

Sa hinihinalang vigilante killings, kabilang sa mga napatay sina Sonny Facistol, 26; Edmond Vigilante; Alexis Delos Santos; Leopoldo Peralta Jr., 43, at Kenneth Nunay, 33-anyos.

Habang namatay sa buy-bust operations ng pulisya sina Joel Urbano, 23, at Romulo Urbano, 54-anyos.

( ROMMEL SALES )