HATAW! D'yaryo ng Bayan hatawtabloid.com
PATAY ang isang 67-anyos taxi driver makaraan pagsasaksakin at ibigti ng dalawang holdaper sa Valenzuela City kahapon ng madaling araw.
Kinilala ni Valenzuela City Police chief, Senior Supt. Ronaldo Mendoza ang biktimang si Wenceslao Alcantara, biyudo ng 201 Mabuhay Compound, Sauyo, Quezon City.
Ayon kay SPO2 Rey Bragado, dakong 2:40 am, naghihintay ng pasahero ang tricycle driver na si Laurence Rivares sa Disiplina Village, Brgy. Ugong nang mapansin niya ang biktima sa loob ng minamanehong Lady Mely taxi (TXJ-751) na nakaparada sa NPC Road habang nagmamadaling umalis patungong GSIS Village ang dalawang hindi nakilalang lalaki.
Ipinaalam ni Rivares sa mga pulis ang nakita at nang magresponde ang mga awtoridad ay natuklasan ang wala nang buhay na biktima sa loob ng taxi na may mga saksak sa dibdib at nakabigti ng sinturon ang leeg.
( ROMMEL SALES )
