HATAW! D'yaryo ng Bayan hatawtabloid.com
DALAWANG hinihinalang holdaper at isang drug pusher ang napatay makaraan makipagbarilan sa mga operatiba ng Quezon City Police District (QCPD) sa magkahiwalay na operasyon kahapon ng madaling araw.
Sa ulat kay QCPD District Director, Sr. Supt. Guillermo Lorenzo T. Eleazar, napatay ang dalawang hindi pa nakikilalang mga holdaper makaraan makipagbarilan sa mga tauhan ng Novaliches Police Station (PS-4) sa pangunguna ni Sr. Insp. Romulo P. Terrado sa Austria St., Brgy. Nova Proper, Novaliches, Quezon City.
Samantala, napatay ang hinihinalang drug pusher na si Jesus Jonas alyas Jessie Hudas, 45, ng San Pedro St., Bgry Damayan, Quezon City makaraan makipagbarilan sa mga tauhan ng Masambong Police Station (PS-2) sa kanto ng Pat Senador St., at West Riverside, Brgy. Del Monte ng nasabing lungsod.
( ALMAR DANGUILAN )
