KC at Iñigo, hirap umarangkada ang career

SI Tito Alfie Lorenzo, manager ni Judy Ann Santos, ang nagsabing sa mga magkakapamilyang artista, asahang iisa lamang ang sisikat

Tulad nga naman ni Nora Aunor na may mga anak na nag-artista pero walang naging superstar na katulad niya. Si Luis Manzano, rin daw ay mahihirapang maabot ang kasikatan ng inang Star For All Seasons na si Congresswoman Vilma Santos.

Sumikat naman si KC Concepcion pero nahirapan din siyang abutin ang tagumpay na naabot ng kanyang Megamom Sharon Cuneta.

Sabi nga ng mga basher, mas nakatuon ang kanyang karir sa pagkakaroon iba’t ibang syota. But lately, wala yatang nagtatagal sa aktres dahil ang latest nitong syota na isang atleta named Aly Borromeo ay balitang kahihiwalay din lang.

Imagine, just recently lang nito naipakilala sa kanyang pamilya ang atletang boyfriend pero heto, hiwalay na raw?

Kung hindi magbabago ang ihip ng hangin ay tiyak doon din patungo ang ihip ng hangin para kay Inigo Pascual na talagang malabong masundan ang yapak ng kanyang amang si Piolo Pascual. Kung mahirap ito sa batang Pascual, balikan na lang nito ang boyband na inayawan niya at pinili ang maging aktor. Better yet, tapusin na lang ang pag-aaral.
STARNEWS UPLOAD – Alex Datu