2 patay sa buy-bust sa Alburetum

PATAY ang isang hinihinalaang drug pusher at ang kanyang kasama makaraan makipagpalitan ng putok sa mga pulis sa buy-bust operation sa Alburetum Forest sa UP Diliman, Quezon City nitong Linggo.

Target sa nasabing operasyon si alias Lupa habang tinutukoy pa ang pagkakilanlan ng kanyang kasama.

Ayon kay Supt. Wilson Delos Santos, nakatakdang maglunsad ng buy-bust operation ang mga tauhan ng Anti-Illegal Drugs Unit ng Quezon City Police District Station 9 sa Alburetum Forest nang sumiklab ang labanan.

Pahayag ng QCPD, ang suspek na si Alias Lupa ay kabilang sa drug watch list at sumuko na sa ilalim ng Oplan Tokhang.

Isang caliber .45 at caliber .38 pistols at isang getaway vehicle ang narekober ng mga pulis sa lugar nang pinangyarihan ng insidente.

( ALMAR DANGUILAN )