Ryzza, ‘nilalamon’ na ni Baby Baste

DAPAT magkaroon ng bagong pakulo ang Eat! Bulaga para kay Ryzza Mae Dizon kung hindi unti-unting lalamunin siya ni Baby Baste, ang chil wonder ng GenSan.

Imagine may title na siyang best child actor kahit wala pa namang pruwebang pelikula na maipagpaparangalan. Luma na ang pakulo ni Ryzza na ChaCha. Bugnot na ang mga tagahanga sa paulit-ulit na sayaw na ito sa studio.

Dapat magkaroon ng portion si Ryzza para sa mga bata tulad halimbawa ng spelling o kaya pag-drawing ng bata in five minutes na pakontes. Sayang kasi si Ryzza, magaling na bata pero anik-anik lang ang ginagawa sa EB.

SHOWBIG – Vir Gonzales