HATAW! D'yaryo ng Bayan hatawtabloid.com
PATAY ang apat hinihinalang drug pushers at users makaraan lumaban sa mga operatiba ng Quezon City Police District (QCPD) Galas Police Station 11, sa drug bust operation sa Quezon City kahapon ng madaling araw.
Sa ulat kay QCPD director, Sr. Supt. Guillermo Lorenzo T. Eleazar, kinilala ang mga napatay na sina John Lester Lacion, 20; Aniceto Villamor, 40; Richard Hilbano, 30; at Jestoni Yu Tecson, 29, pawang mga residente ng Villa España 2, Brgy. Tatalon, Que-zon City.
Nauna rito, nakatanggap ang Galas PS 11 ng impormasyon na kasalukuyang gumagamit ng shabu ang mga suspek sa isang bahay sa Villa España St., kaya agad iniutos ni Supt. Christian Dela Cruz, hepe ng Galas Police, ang anti-drug ope-ration.
Ngunit imbes sumuko, nakipagpalitan ng putok ang mga suspek na nagresulta sa kanilang pagkamatay.
( ALMAR DANGUILAN )
