HATAW! D'yaryo ng Bayan hatawtabloid.com
TECHNICALLY-divorced si Ai Ai delas Alas pero hindi pa siya puwedeng mag-asawa dahil bilang isang Pinay, hindi pa siya totally-divorced dito sa ating bansa dahil hindi pa nire-recognize ng ating pamamahalaan ang divorce.
Sa kaso ni Jed Salang, siya lang ang diborsiyado at puwedeng mag-asawa uli dahil isa siyang American citizen samantalang ang komedyana ay hindi pa puwede dahil nga isa itong Pinay.
Matatandaang 29 na araw lamang nagsama sina Ai-Ai at Jed bilang mag-asawa pagkatapos nilang magpakasal sa America noong 2013 na nauwi sa hiwalayan.
Sa aming pagkaalam, nakailang failed relationship na rin ang komedyana kaya ngayon ay posibleng nauntog na siya at nagdesisyon nang hindi na padalos-dalos sa pagpaplano.
At ngayon, tiyak masusubukan ang kanyaang katatagan dahil nahaharap na naman siya ng isang pagsubok sa kanyang ‘batang papa’ na si Gerald Sibayan na karelasyon ngayon.
Ayon sa kanya, posibleng abutin pa ng lima o anim na taon bago siya muling magpakasal.
At dahil ilang beses na siyang nauntog dulot ng maling desisyon, ipinauubaya na lang nito sa Diyos ang desisyon kung saan at kailan ang tamang panahon para siya ay muling humarap sa altar. Kaya sa ngayon, may natutuhan na siya sa buhay, ang iwasan ang padalos-dalos na desisyon dahil mahirap ang magkamali uli.
Light moment muna ang hinaharap ngayon ng komedyana dahil sasabak na naman siya sa pagko-concert, isang bagay na sobra niyang na-miss.
Kung sabagay, mas visible naman ngayon sa telebisyon at pelikula ang komedyana na alam naman natin na mas patok sa pagko-concert kaya naman siya ang tinaguriang Concert Comedy Queen. Inihahanda na nito ang sarili para sa isang kabogan ng kantahan, sayawan, at komedi kasama si Lani Misalucha, ang Ai Meets Lani: Lani May Ai.
STARNEWS UPLOAD – Alex Datu
