HATAW! D'yaryo ng Bayan hatawtabloid.com
HINDI malaman ngayon ng kasamahan namin dito sa Hataw na si Roldan Castro kung matutuwa siya o maiinis dahil pinagkamalan siyang lover boy o driver/lover ni Sen. Leila De Lima na mabilis na kumakalat ngayon sa social media.
Paggising niya noong Huwebes ng umaga ay bumalandra sa social media ang kanyang larawan kasama si De Lima. Kuha ang naturang larawan nang magpa-presscon noon ang senador na that time ay Department Of Justice secretary pa lamang.
“Nawindang ako at napatawa paggising. Wala akong kamalay-malay pinagpipistahan na pala ang picture namin ni Sen. De Lima na kuha namin noong presscon niya sa movie press. Ang dami kong messages na natanggap at tawag.Trending daw me…Ako raw ‘yung driver niya. My gosh kung alam lang nila na hindi ako marunong mag-drive dahil nerbiyoso ako. Hindi nga ako makalabas ng bahay ‘pag walang inaasahang driver, hahaha… Eto namang nasa social media share nang share nang hindi nagre-research… * #ýbwahaha * #ýkalorky * #ýmistakenIdentity,” pagtatanggol ni Roldan sa sarili.
Sa isa pang panayaman, sinabi pa ni Roldan na, ”Malaking dilemma ‘yan sa buhay ko!”
Gayunman, may mga hindi nakakabasa sa post/comment ni Roldan at patuloy siyang bina-bash ng mga basher ni De Lima.
May ipinakita pang larawan ng bahay daw ng tunay na driver ng senador, isa sa kanya at isa sa tunay na wife nito na may apat daw itong anak kaya lalong dumami ang bashers ni Roldan.
Kahit kaming nakaaalam ng tunay na pagkatao ni Roldan ay nakikisakay na rin hehehehe.
( Timmy Basil )
