Aiza, tututukan ang suliranin sa edukasyon, teenage pregnancy, at pagkalat ng HIV/AIDS sa mga kabataan

POSISYONG iniwan ng Kapuso actor Dingdong Dantes ang ibinigay  kay Aiza Seguerra, ang  pagiging Chairperson ng National Youth Commission at sa isang panayam ay nasabi nito na handa na siyang harapin ang responsibilidad bilang incoming Chairman ng NYC.

Noong Martes, August 16 ginawa panunumpa ni Aiza kay Pangulong Duterte at kasabay sa kanyang pagkatalaga ay ang kanyang mga plano. Inamin nitong malaking responsibilidad ang kanyang haharapin dahil napakaraming sektor ang kailangang mapagtuunan ng pansin sa mga kabataan. Plano niyang bibisitahin ang buong bansa para matutukan ang kalagayan ng edukasyon at iba pang suliranin tulad ng droga, teen-age pregnancy, at pagkalat ng HIV/AIDs sa mga kabataan.

Katatapos ding italaga ang partner ni Aiza na si Liza Dino bilang Chairman ng Film Development Council of the Philippines (FCCP).

Balik-Aiza, kamakailan ay naging matindi ang reaksiyon niya tungkol sa naging pahayag ni Urdaneta Mayor Amadeo Perez na naka-post sa kanyang Twitter account. May kinalaman ito sa naging pahayag ng alkalde na lahat ng mga Muslim ay dapat ma-ban sa kanyang siyudad. Kaya kinuwestiyon ang klase ng pag-iisip ng alkalde dahil ayon sa kanya, may mga Kristiyanong drug dealer, Muslims na drug dealer gayundin ang mga Atheist.

And to quote, “Huwag niyang gamitin ang ‘War on Drugs’ para mai-promote lang nito ang hate ang discrimination sa mga taong iba ang relihiyon at paniniwala. Delikado ang ginagawa niya.”

STARNEWS UPLOAD – Alex Datu