Market supervisor itinumba sa QC

PATAY noon din ang isang market supervisor makaraan pagbabarilin ng hindi nakilalang suspek sa loob ng isang palengke sa Quezon City kahapon ng hapon.

Sa ulat kay Quezon City Police District (QCPD) director, S/Supt. Guillermo Lorenzo Eleazar, kinilala ang biktimang si Richard Ramos, market supervisor sa Commonwealth Market sa Commonwealth Avenue, Brgy. Manggahan ng nasabing lungsod.

Sa imbestigasyon, dakong 1:30 pm nang maganap ang insidente sa lower ground ng Commonwealth Market.

Nakatayo ang biktima sa harapan ng isang stall nang lumapit ang armadong suspek na nakasuot ng helmet at siya ay pinagbabaril.

( ALMAR DANGUILAN )