HATAW! D'yaryo ng Bayan hatawtabloid.com
NAPAKARAMI palang fans and followers ang ToMiho.
Isang beses lang akong nag-post sa aking Instagram account ng picture nina Miho at Tommy ay pinutakte na ako ng followers nila.
Nakatutuwa ang followers ng ToMiho dahil panay ang pasalamat nila sa akin dahil sa pagsuporta ko sa dalawa at binigyang pansin ko ‘yun.
Bilang isang tagahanga at nagmamahal sa ToMiho ay natuwa naman ako noong malaman kong magiging regular na pala sila sa sitcom na Funny Ka Pare Ko na pinagbibidahan nina Karla Estrada at Bayani Agbayani na napapanood tuwing Sunday evening sa ABS-CBN TV Plus-Cinemo.
Lalo pa akong na-excite sa ToMiho nang kinompirma nila sa akin ang kanilang bagong teleserye sa bakuran ng Kapamilya Network, ang Langit Lupa.
O ayan ToMiho sa buong mundo, may aabangan na tayo sa iniidolo natin! Hep hep na! Hurray!
REALITY BITES – Dominic Rea
