HATAW! D'yaryo ng Bayan hatawtabloid.com
KALABOSO ang isang 32-anyos security guard makaraan gapangin at gahasain ang pinsan ng kanyang misis na pansamantalang nanuluyan sa kanila sa Caloocan City kamakalawa ng madaling-araw.
Inakala ng biktimang itinago sa pangalang Rose, 27, ang pagpayag ni George Ramos na manuluyan pansamantala sa Phase 9, Block 3, Lot 2, Brgy. 176, ay palatandaang mabait ang mister ng kanyang pinsan.
Napag-alaman, nagkaroon nang bahagyang tampuhan ang biktima at kanyang kinakasama kaya nakiusap sa mag-asawa na pansamantalang makituloy sa kanila.
Gayonman, habang mahimbing na natutulog ang biktima, nagising siya dakong 12:30 am na hinahalay ng suspek.
Makaraan ang insidente, lumabas ng silid ang suspek na parang walang nangyari.
Ngunit dakong 11:00 pm ay nagreklamo ang biktima sa Police Community Precinct (PCP) 3 na nagresulta sa pagkakadakip kay Ramos.
( ROMMEL SALES )
