HATAW! D'yaryo ng Bayan hatawtabloid.com
MAY bagong taguri kay Alden Richards: Cancel King.
Kasi naman tila sunod-sunod na ang pag-cancel ng kanyang shows, the latest of which was his show sa Pampanga.
Hindi ito ang first time na na-cancel ang concert ni Alden, huh!
Ang say ng organizers ng concert, security reasons ang dahilan ng pagkaka-cancel ng show ng binata. May banta raw kasi sa buhay ni Alden dahil isang fan ang nagbantang pasasabugin ang venue kapag natuloy ang concert.
Pero hindi kami naniniwala roon. Ang feeling namin ay hindi napupuno ni Alden ang concert venue dahil matumal ang bentahan ng ticket niya.
Wala naman kasing promotion sa show. Hindi nakapag-promote si Alden dahil ilang linggo siyang wala sa bansa. Nasa Italy kasi siya for the shooting of his movie with Maine Mendoza. Wala kaming nabalitaang magkakaroon siya ng show sa Pampanga.
Isa pa, unti-unti nang lumulubog si Alden. Lalo pa siyang nawalan ng kinang ng may isang basher ang nag-post sa social media na kaplastikan lang ang ipinakikita niyang sweetness kay Maine. Na kapag wala na ang camera ay nagkakanya-kanya na silang lakad. Na walang romantic something na namumuo talaga sa kanila.
UNCUT – Alex Brosas
