HATAW! D'yaryo ng Bayan hatawtabloid.com
TUNAY na isang kaibigan si Malu Barry dahil sa ginawa nitong pamumuno ng fund raising para makatulong sa gastos ng aming kapwa-manunulat na si Richard Pinlac na hanggang ngayon ay naka-confine sa Capitol Medical Center.
Inamin nitong matagal nanirahan si Richard sa kanya at pamilya na ang turing niya.
Sa ngayon, kailangan ng tulong ni Richard para sa kanyang pambayad sa hospital at ang nakalulungkot ay ‘yung mga umaasa sa kanya na dahil sa pagkakaroon nito ng karamdaman ay hindi nagagabayan-financial ang mga ito.
Katatapos lamang ng ikalawang fund raising ni Malu para kay Richard noong June 8 na ginanap sa Music Box. Malaki ang kanyang pagpapasalamat sa mga nagmamahal kay Richard na sumuporta at nag-perform ng libre.
Ang unang fund raising ay ginanap sa bagong bukas na Viajekada Comedy Bar sa Kamias Road, Quezon City at ito’y pagmamay-ari ng ‘look-alike’ ni Elmo Magalona na si Direk Chaps Manansala.
STARNEWS UPLOAD – Alex Datu
