Jolina, ‘di nanghinayang sa pagkaudlot ng Written…

HINDI pinanghihinayangan ni Jolina Magdangal ang pagkaudlot ng Written In Our Stars na bida sina Piolo Pascual at Toni Gonzaga sanhi ng pagbubuntis ng huli.

Aniya, nakasentro ang istorya sa dalawa kaya mahirap mawala ang mga iyon sa eksena.

Payag naman si Toni na palitan siya, si Piolo lamang ang pumalag.

Matatandaang nangyari na kay Jolina ang na-cast sa isang dramaserye noong nasa kabilang network kasama si Claudine Barretto. Along the way, parang nagkaproblema ang huli sa takbo ng kanyang buhay kaya kahit malaki ang panghihinayang ng management, napilitang i-shelve ang proyekto.

Sa kaso ni Toni, kaysa umalma si Jolens ay natuwa pa ito dahil isang sanggol ang pinag-uusapan, isang regalo mula sa Itaas.

Kaya naman, bilang pang-goodvibes, naisipan nitong bigyan ng belly pads ang aktres. Isang bagay na nagamit niya noong nagbuntis din siya na idinidikit sa tiyan para direktang makaririnig ng classical music ang bata sa sinapupunan.

STARNEWS UPLOAD – Alex Datu