HATAW! D'yaryo ng Bayan hatawtabloid.com
KAWAWA naman si Baron Geisler. Nasapak kasi siya at ‘di siya nakabawi.
Nangyari ang insidente sa Guilly’s Bar sa Tomas Morato St., Quezon City.
Isang Wilbert Brandon N Travis ang nag-upload sa kanyang Facebook account ng pagwawala ni Baron sa labas ng bar. Nagmumura si Baron, sigaw ng sigaw ng “bakla” habang inaawat ng isang bouncer. Hindi yata siya nakabawi sa sumapak sa kanya.
Ayon mismo sa nag-upload, walang kasalanan ang actor.
“Pero sa totoo hindi niya ata kasalanan bigla na naman siyang sinapak sa ulo e.. Ewan ko sabi ng sumapak nanggugulo raw,” say ni Wilbert.
Ang chika, nanggugulo raw si Baron kaya siya sinapak ng isang guy. Ang kaso, hindi nakabawi ang actor, hindi siya nakaganti sa sumapak sa kanya.
Ang feeling naman namin, kung talagang matapang ang sumapak sa kanya, dapat ay hinamon niya ng suntukan ang actor. Dapat kasuhan ni Baron ang guy na nanapak sa kanya.
Anyway, marami ang naghihintay sa sapakan nina Baron at Kiko Matos. Actually, pati na ang isang friend naming gay ay nagtatanong sa amin kung paano makakapanood, kung may bayad ba ang laban ng dalawa?
UNCUT – Alex Brosas
