Biker todas sa truck

PATAY ang isang lalaki nang masagi ang sinasakyan niyang  bisikleta nang rumaragsang truck sa Caloocan  City kahapon ng umaga.

Hindi na umabot nang buhay sa Caloocan City Medical Center (CCMC) ang biktimang kinilalang si Eugenio Tugawin, 57, residente ng 4297 Diam St., Gen. T. De Leon, Valenzuela City.

Agad naaresto ang suspek na driver ng Isuzu van (NWQ-598) na si Ronniedel Francisco, 27, residente sa Luis Diez St., Meycauayan, Bulacan, nahaharap sa kasong reckless imprudence resulting in homicide.

Batay sa ulat ng pulisya, dakong 6 a.m. nang maganap ang insidente sa kahabaan ng EDSA sa pagitan ng Biglang Awa St., hanggang Balintawak.

Nagtangkang tumakas ang suspek ngunit hinabol ng MMDA motor rider na si Henry Ocampo kaya agad naaresto.