HATAW! D'yaryo ng Bayan hatawtabloid.com
AYAW patulan ng Home Sweetie Home actor na si John Lloyd Cruz na patama sa kanya ang mga hugot line ni Angelica Panganiban sa Banana Sundae. Naniniwala siyang hindi intentional ‘yun para sa kanya.
Nabibigyan lang ng kulay at napapansin ang mga hugot ni Angelica dahil nataon naman na fresh pa rin ang hiwalayan nila at parehong nasa move-on process.
Actually, pinag-uusapan din ngayon na hindi bitter siAngelica dahil nag-promote siya at nag-post sa kanyang Instagram Account ng latest movie ng ex-boyfriend niya (JLC) na katambal si Jennylyn Mercado.
Naniniwala rin si Lloydie na hindi kailangang maging madilim ang buhay ‘pag zero ang lovelife. Mag-focus lang daw na magandang buhay at matuto sa mga karanasan para maging mabuting tao. Hindi rin niya alam kung kailan siya ulit makakatagpo ng bagong mamahalin.
Speaking of Home Sweetie Home, tungkol sa election fever ang episode ngayong Sabado.
Isang araw na lang at eleksyon na. Naisip ni Jayjay (Jayson Gainza) na sa ibang baranggay na lang siya mangampanya dahil kilala na siya sa Baranggay Puruntong. Idea Rin kasi ito ni Romeo (John Lloyd) bilang campaign manager. Pero ‘di sang-ayon si Julie (Toni Gonzaga) at inihambing ang pagiging mag-asawa sa pangangampanya—‘di porke’t kasal na kayo ay di na kayo magliligawan’. Ito ang simula ng ‘di pagkakasundo nina Romeo at Julie sa campaign strategy ni Jayjay. Ayon kay Romeo magpakatotoo si Jayjay, ayon naman kay Julie, kailangang may iharap siyang ibang mukha dahil may traits si Jayjay na nakate-turn off sa mga botante.
Abangan ang mga kaganapan sa Sabado sa Home Sweetie Home sa ABS-CBN 2.
( ROLDAN CASTRO )
