Jeff, todo-ligaw din sa magulang ni Jasmine

NOONG Linggo ay guest ang magkapatid na Anne at Jasmine Curtis-Smith sa Gandang Gabi Vice. Tinanong ni Vice si Jasmine kung boyfriend na nito si Jeff Ortega na galing sa maimpluwensiyang Ortega political clan ng La Union at ngayon ay nagpapatakbo ng sariling negosyo sa naturang probinsiya.

Ang sagot ng dalaga ay ‘oo’.

Aprubado naman daw kay Anne ang bagong boyfriend ng nakababatang kapatid. Mabait daw kasi si Jeff. Bukod daw sa panunuyo ni Jeff noon kay Jasmine, niligawan din daw nito ang pamilya nila.

Sabi pa ni  Anne, “Parang nakikilala ko na siya before pa. Tapos mabait siya. Tapos nakikita ko kung paano siya um-effort kay Daddy, kay Mommy, kay Balong.,cute.”

Noong boyfriend pa ni Jasmine si Sam Concepcion ay hindi rito boto si Anne.  Paano kasi ay hindi naman ito gumagawa ng effort para mapalapit sa kanila. Unlike Jeff, kaya boto rito si Anne para kay Jasmine.

MA at PA – Rommel Placente