Jessy, wa ker sa mga basher

ANG sabi ni Jessy Mendiola, kung may nakikita man siyang mga basher na sinisiraan siya, deadma na lang siya. Hindi na lang niya pinapansin.

Tama iyon. Bakit mo naman papansinin ang mga basher? Kung iyang mga basher ay papatulan mo, mas gusto nila iyon dahil tiyak sasagot pa sila. Hahaba pa ang usapan. Eh kung magtatahol man sila at walang pumansin sa kanila, titigil din iyan. Hindi napansin eh. Ganyan ang tamang attitude, hindi gaya niyong ibang mapagpatol. Akala nila kung papatol sila sa ganoon ay maganda, hindi nila naisip na lalo lamang nilang ine-expose ang kanilang sarili sa mas matindi pang bashing.

HATAWAN – Ed de Leon