Pakyaw Duet, kabi-kabila ang raket

AYAW paawat ang sikat na Pakyaw Duet sa pagrampa sa mga proclamation rally. Kaliwa’t kanan ang mga singing engagement nila. Hindi lamang pagkanta at pagpapatawa ang kanilang ginagawa, dahil magaling din silang host na hinahaluan ng pagpapatawa kaya kuwelang-kuwela sila sa mga manonood.

Pinatunayan nila ito sa nakaraang proclamation rally ng tumatakbong mayor na siTinoy Marquez at ang kanyang bise na si Atty. Noel Roxas sa Pandi, Bulacan na sobrang naaliw ang mga tagaroon sa kanilang pagho-host. Nang gabing iyon ay tatlong raket ang naghihintay sa kanila pero dahil gahol sa oras, hindi nila napuntahan ang sa Batangas.

Ang maganda sa kanila, ayaw nilang tumanggap ng advance payment kapag hindi sila sigurado na makasisipot sa kanilang commitment. Sa mga gustong marinig ang kanilang mga awitin tulad ng kanilang upcoming hit na Talong, maririnig ito sa radio program ni Andy Verde, ang Short Time sa DZRH.

STARNEWS UPLOAD – Alex Datu